Мәжіліс міндетті әлеуметтік медициналық сақтандыру мәселелері бойынша жаңа заң жобасын жұмысқа алды, деп хабарлайды inbusiness.kz сайты.
Құжат Үкіметтің бастамасымен әзірленген.
"Жоба негізгі үш бағыттан тұрады. Біріншіден, Тегін медициналық көмектің кепілдік берілген көлемі (ТМККК) пакетін 2027 жылға қарай екі есе, яғни, 57 пайыздан 32 пайызға дейін қысқарту. Сәйкесінше МӘМС пакетін 68 пайызға дейін ұлғайту. Екіншіден, жұмыс берушілер мен жұмыскерлер тарапынан МӘМС жарналары үшін төленетін табыстың жоғарғы шегін 10 еселенген ең төменгі жалақыдан 50-ге дейін арттыру. Үшіншіден, жергілікті бюджет қаражаты есебінен жұмыссыздар мен әлеуметтік әл-ауқаты дағдарыстық деңгейлерге жататын азаматтар үшін МӘМС-ке жарналар төлеу көзделіп отыр", – деді депутат Асхат Аймағамбетов.
