5-6 желтоқсанда "Алау" мұз сарайында мәнерлеп сырғанаудан алғаш рет Astana Figure Skating Cup – 2018 жарысы өтеді. Спорттық шараға Қазақстанның барлық өңірлерінің мәнерлеп сырғанаушылары қатысады, деп хабарлайды елорда әкімдігінің ресми сайты.
Қыздар мен бозбалалар арасында жеке сырғанаудан ұйымдастырылатын жарыс бірыңғай республикалық жіктемеге және 2018-19 жылғы маусымға арналған ISU ережелеріне сәйкес өткізіледі. Жарыстың жүлдегерлері медальдармен, дипломдармен және естелік сыйлықтармен марапатталатын болады.
Шара мақсаты – дене шынықтыруды, спортты және салауатты өмір салтын насихаттау, мәнерлеп сырғанаушылардың спорттық шеберліктерін ұштау, мықты спортшыларды анықтау, жаттықтырушылардың өзара тәжірибе алмасуына мүмкіндік беру.
Ұйымдастырушылар – қаланың мәдениет және спорт басқармасы, "Алау" мұз сарайы мен спорттық-бұқаралық шараларды өткізу дирекциясы" КММ.
