Астанада мәнерлеп сырғанаудан ел чемпионаты басталды, деп хабарлайды 24.kz.
Желтоқсанның 29-на дейін жалғасатын жарысқа еліміздің әр өңірінен 80 спортшы келген. Бәсекеге түскендердің ең кішісі он бір жаста болса, ересегі – жиырма бесте. Сәйкесінше, дода бірнеше топтық кезеңге бөлінген. Сайыста бақ сынап жатқандардың арасында мәнерлеп сырғанаудан спорт шеберлері мен спорт шеберлігіне үміткерлер де бар.
"Осы жарыста олимпиада ойындарына әйелдер құрамасы сапында баратын бір мәнерлеп сырғанаушыны іріктеп аламыз. Ал өзге жеңімпаздарға әлем біріншілігіне жолдама беріледі", - дейді ҚР мәнерлеп сырғанау құрамасының бас жаттықтырушысы Құралай Узурова.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
