Қазақстанның коньки тебушілер федерациясы мәнерлеп сырғанау, шорт-трек және конькимен жарысудан Қазақстан чемпионаты өтуі мүмкін мерзімдерді атады, деп хабарлайды olympic.kz.
Мәнерлеп сырғанаудан ел біріншілігі 2020 жылдың 16-20 желтоқсаны аралығында Алматыда өтеді деп жоспарлануда. Жарыс ережесіне сәйкес, турнирге көрермендер қатыспайды.
Қазақстан Республикасы Бас санитар дәрігері бекіткен қаулы бойынша, барлық санитарлық талаптар сақталады.
Сондай-ақ конькимен жүгіруден спринтерлік көпсайыс 16-17 қарашаға, классикалық көпсайыс 23-24 қарашаға, жекелеген дистанциялар 14-17 желтоқсанға жоспарлануда. Әзірге турнирдің нақты өту-өтпеуі белгісіз. Елдегі ахуалға байланысты өзгерістер болуы мүмкін.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
