Мәнерлеп сырғанаудан жасөспірімдер арасындағы Гран-при сериясы өткізілмейді

549

Мұндай шешімге халықаралық одақ медициналық комиссия және турнирді ұйымдастыру жөніндегі жұмыс тобымен кеңескен соң келді.   

Мәнерлеп сырғанаудан жасөспірімдер арасындағы Гран-при сериясы өткізілмейді

Халықаралық конькимен жүгірушілер одағы (ISU) мәнерлеп сырғанаудан жасөспірімдер арасындағы Гран-при сериясының биылғы маусымын өткізбеу туралы шешім қабылдады, деп хабарлайды olympic.kz сайты.

Гран-при сериясының өткізілмеуіне мемлекеттер арасындағы әуе қатынасының толықтай ашылмауы себепкер болып отыр. Сондай-ақ, Жапония бастаған бірқатар елдер спортшыларды жарысқа жіберуден бас тартуда. 

"Біз жасөспірімдер арасындағы мұндай ауқымды жарыстың өтпей қалғанына өкініш білдіреміз. Алайда, мұндай қадамға спортшылардың денсаулығын ойлағандықтан барып отырмыз", – делінген ISU ресми мәлімдемесінде. 

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу