Жаңаөзенде жұмыссыз азаматтарды жұмысқа орналастыру мәселесі бойынша облыстық комиссия құрылды, деп хабарлайды inbusiness.kz порталы облыс әкімдігінің баспасөз қызметіне сілтеме жасап.
"Биыл 8 ақпанда Маңғыстау облысы әкімінің бірінші орынбасары Абзал Меңдібаевтың төрағалығымен Жаңаөзен қаласында мұнай-газ саласындағы ұйымдарға жұмысқа қабылдау алгоритмінің толық ашықтығын қамтамасыз ету жөніндегі комиссия құрылды", – деп жазылған хабарламада.
Оның құрамына мемлекеттік органдардан басқа Жаңаөзендегі жұмыссыздар қатарынан бастамашыл топ өкілдері де кірді.
Комиссияның негізгі мақсаты – бастамашыл топтың белсенділерімен бірлесіп, мәселені шешу жолдарын қарастыру, оңтайлы шешімге келу.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
