Бұл өзгеріс Маңғыстау облысында әкімдігінің "Мектепке дейінгі тәрбие мен оқытуға мемлекеттік білім беру тапсырысын бекіту туралы" қаулысына сәйкес жасалды, деп жазады inbusiness.kz тілшісі.
Аймақта балабақшаға ең көп төлейтін - Ақтау қаласының ата-аналар.
Ақтауда үш жасқа дейінгі балаға балабақшада күніне 718 теңге, үш жастан асқан балалар үшін 806 теңге төлейтін болды.
"Жаңаөзенде 1 күн үшін 663 және 806 теңге төлесе, Бейнеу ауданында кіші топ балалары үшін 652теңге, үш жастан асқандарға 767 теңгеге жетті. Қарақия ауданында ата-аналар одан да көп шығындануына тура келеді. Балабақшадағы төлемақы 714 бен 873 теңге болса, Маңғыстау ауданында 663 және 815 теңге. Мұнайлы ауданында ата-аналар баланың жасына қарай 663 және 824 теңге төлейтін болды. Ал Түпқараған ауданында балабақшада бір күн болу бөбектер үшін 685 теңге, үш жастан асқандарға 841 теңге болып белгіленді", – делінеді облыстық білім басқармасының хабарламасында.
Ата-аналар Наурыз айының төлемін жаңа баға бойынша төлеу міндеттелді.
