Бұл ақпаратты Маңғыстау облыстық полиция департаментінің баспасөз қызметі растады.
Оқиға 5 ақпанда Маңғыстау облысындағы аудандардың бірінде болған. Әйел 16 және 12 жастағы кәмелетке толмаған қыздарды зорлау дерегі бойынша полицияға арызданған.
Тергеу барысында күдікті қыздардың ата-анасының жақын досы екені анықталды. Ер адам 2019 жылдан бері қыздарға зорлық көрсеткен. Құқық қорғау органдары қыздарды зорлады деген күдікке ілінген жергілікті тұрғынды ұстаған. Ер адам өз кінәсін мойындап, кейін полиция бөлімінің терезесінен секіріп кеткен. Бірнеше күннен кейін ол ауруханада көз жұмды.
"Бұл дерек ҚР Қылмыстық кодексінің 120-бабы 4-бөлігі (Бірнеше рет зорлау) бойынша соталды тергеп-тексерудің бірыңғай тізіліміне тіркелді. Тиіс сараптамалар тағайындалды. Тергеу амалдары жүргізіліп жатыр. Басқа да мәліметтер жария етілмейді", - деді полиция қызметкерлері.
