Маңғыстау облысы Таушық ауылының көшелерін таудан аққан қарғын су басты, деп жазады inbusiness.kz сайты Lada басылымына сілтеме жасап.
Нөсер жаңбырдан кейін пайда болған қарғын тау жақтан Таушық ауылына жеткен. Үйлердің дәл қасынан ағып жатқан қарқыны күшті лай суды тұрғындар видеоға түсіріп, көрініс әлеуметтік желі арқылы таралды.
Таушық әкімдігінің хабарлауынша, қарғын елдімекеннің жекелеген көшелерімен жүріп өтіп, табиғи арнамен теңізге қарай аққан.
"Үйлердің кейбірінің ауласына ғана су кірді, бірақ баспаналарды баспады. Ешкім зардап шеккен жоқ. Мал өлімі туралы мәлімет жоқ. Жағдай бақылауда", – деп хабарлады әкімдіктегілер.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
