Маңғыстау облысында Желілік полиция бөлімінің қызметкері пара алды деген күдікпен ұсталды, деп хабарлайды inbusiness.kz.
Сыбайлас жемқорлыққа қарсы іс-қимыл агенттігінің мәліметінше, 17 ақпанда Маңғыстау облысы бойынша Сыбайлас жемқорлыққа қарсы қызмет облыстық ҰҚКД-мен бірлесіп жүргізілген жедел-тергеу іс-шаралардың нәтижесінде Маңғыстау станциясындағы желілік полиция қызметкерін ұстаған. Оның Түркия Республикасының кәсіпкерінен қылмыстық жауаптылықтан босату үшін 1 300 000 теңге сомасында пара алғаны анықталды.
Аталған дерекке қатысты сотқа дейінгі тергеу жалғасып жатыр. Күдіктіге қатысты оның кінәсінің дәрежесін айқындай отырып, қорытынды шешімді сот қабылдайтын болады.
ҚПК-нің 201-бабына сәйкес өзге ақпарат жария етуге жатпайды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
