Маңғыстау облысының Денсаулық сақтау басқармасының басшысы тағайындалды

Маңғыстау облысының Денсаулық сақтау басқармасының басшысы тағайындалды

Жамал Жаманбаева елдегі ТЖ кезеңі аяқталғанға дейін Маңғыстау облысының денсаулық сақтау басқармасының басшысы міндетін уақытша атқарды.

22 Мамыр 2020 22:00 159

Маңғыстау облысының Денсаулық сақтау басқармасының басшысы тағайындалды

Маңғыстау облысы әкімінің өкімімен және ҚР Денсаулық сақтау министрінің келісімімен Маңғыстау облысының денсаулық сақтау басқармасының басшысы қызметіне конкурстың нәтижесі бойынша Жамал Жаманбаева тағайындалды.  Бұл туралы әкімнің баспасөз қызметі хабарлады.

Жамал Әбдібекқызы, Маңғыстау облысы, Түпқараған ауданында дүниеге келген. 1988 жылы емдеу ісі, дәрігер мамандығы бойынша Алматының мемлекеттік медицина институтын тамамдаған.

Еңбек жолын Жаңаөзен қалалық ауруханасының перзентханасында акушер-гинекология жөніндегі дәрігері қызметінен бастаған.

Бейнеу орталық аудандық ауруханасының емдеу істері жөніндегі бас дәрігердің орынбасары, Бейнеу орталық аудандық ауруханасының әйелдер босанатын бөлімінің меңгерушісі, Маңғыстау облысы әкімдігінің Маңғыстау облысының денсаулық сақтау басқармасының «Облыстық перзентхана» МКҚК дәрігер акушер-гинекологы, Маңғыстау облысы әкімдігінің Маңғыстау облысының денсаулық сақтау басқармасының «Облыстық перинаталдық орталық» МКҚК дәрігер акушер-гинекологы, Маңғыстау облысы әкімдігінің Маңғыстау облысының денсаулық сақтау басқармасының «Ақтау қалалық перзентханасы» МКҚК директоры, Маңғыстау облысы әкімдігінің Маңғыстау облысының денсаулық сақтау басқармасының «Облыстық перинаталдық орталығы» шаруашылық жүргізу құқығындағы МКК директоры қызметтерін атқарған.

Естеріңізге сала кетейік, Жамал Әбдібекқызы елдегі төтенше жағдай кезеңі аяқталғанға дейін Маңғыстау облысының денсаулық сақтау басқармасының уақытша басшысы қызметін атқарды.

inbusiness.kz-ті қараңыз, оқыңыз :

Юлия Якупбаева «Атамекен» ҚР ҰКП басқарма төрағасының орынбасары болып тағайындалды

Осыған дейін аталған қызметті атқарып отырған Алена Романова «Атамекен» ҚР Ұлттық кәсіпкерлер палатасының атқарушы хатшысы болып тағайындалды.

08 Қазан 2019 14:51 544

Юлия Якупбаева «Атамекен» ҚР ҰКП басқарма төрағасының орынбасары болып тағайындалды

«Атамекен» ҚР ҰКП төралқасының шешімімен Юлия Якупбаева басқарма төрағасының орынбасары болып тағайындалды, деп хабарлайды «Атамекен» ҰКП баспасөз қызметі.

Юлия Константиновна Якупбаева 1977 жылы Алматы қаласында туған. Қазақ мемлекеттік басқару академиясын «Қаржы және кредит» мамандығы бойынша аяқтады. 20-жылдық еңбек өтілі ішінде қатардағы маманнан бастап жоғары буын жетекшісіне дейін өскен.

Әр жылдары ҚР Ұлттық банкі, Қазақстан қаржыгерлері қауымдастығы, «Атамекен» Одағы» Қазақстанның ұлттық экономикалық палатасында қызмет еткен. «Атамекен» ҚР ҰКП басқарма төрағасының орынбасары қызметін атқарған (2014 жыл қазан – 2019 жыл сәуір).

 Юлия Якупбаева Қазақстан қаржыгерлері қауымдастығын басқарды (2017 жыл ақпан – 2018 жыл тамыз). Бірқатар компаниялардың тәуелсіз директоры- Директорлар кеңесінің мүшесі болған  («Қазақстанның депозиттерге кепілдік беру қоры» АҚ, «Технологиялық даму жөніндегі ұлттық агенттігі» АҚ, «Kazakh Tourism» ҰК» АҚ). ҚР Ұлттық экономика министрлігінің табиғи монополияларды реттеу комитеті басқармасының мүшесі.

2017 жылдан бастап ҚР Денсаулық сақтау министрлігі Қоғамдық кеңесінің мүшесі. 2019 жылдың сәуір айынан қыркүйек айына дейін «Атамекен» ҚР Ұлттық кәсіпкерлер палатасы Төралқа Төрағасының кеңесшісі болды.

Мемлекеттік және қоғамдық наградалардың иегері. ҚР Тұңғыш Президенті Н.Назарбаевтың Құрмет грамотасы, «ҚР Тәуелсіздігіне 20 жыл», «ҚР Тәуелсіздігіне 25 жыл» мерейтойлық медальдарымен, «Қазақстан Қаржыгерлері қауымдастығының «Мерей» қоғамдық орденімен, «Атамекен» ҚР ҰКП «Ісіне адалдығы үшін» ІІ дәрежелі медалімен марапатталған.

ҚР премьер-министрінің кеңсесі басшысының орынбасары тағайындалды

2013 жылғы тамыздан бастап қазіргі уақытқа дейін премьер-министр кеңсесінің бақылау және құжаттамалық қамтамасыз ету бөлімінің меңгерушісі қызметін атқарған.

07 Қазан 2019 12:34 663

ҚР премьер-министрінің кеңсесі басшысының орынбасары тағайындалды

ҚР премьер-министрінің өкімімен Асқар Серікжанұлы Жәкенов ҚР премьер-министрінің кеңсесі басшысының орынбасары қызметіне тағайындалды, деп хабарлайды primeminister.kz. 

Асқар Жәкенов 1975 жылы 13 қыркүйекте Қарағанды қаласында туған. Қарағанды мемлекеттік техникалық университетін және «Қайнар» университетін тәмамдаған.

Еңбек жолын 1998 жылы Қарағанды қаласындағы «Каргормаш-ИТЭКС» ЖТАҚ-ында бастады. 1999 жылы ҚР әділет министрлігіне жұмысқа қабылданды, онда жетекші маманнан бастап басқарма басшысына дейін қызмет етті. 

2004 жылғы наурыздан бастап 2012 жылғы ақпанған дейін Қазақстан Республикасының премьер-министрі Кеңсесінің Заң бөлімі меңгерушісінің орынбасары болып еңбек етті. 

2012 жылдың ақпан айынан 2013 жылдың шілдесіне дейін Қазақстан Республикасы премьер-министрі кеңсесінің заңнама, қорғаныс және құқықтық тәртіп бөлімі меңгерушісінің орынбасары.

2013 жылғы тамыздан бастап қазіргі уақытқа дейін Қазақстан Республикасының премьер-министрі кеңсесінің бақылау және құжаттамалық қамтамасыз ету бөлімінің меңгерушісі қызметін атқарған.

Жаңалықтарға жазылу: