Мемлекет басшысы Қасым-Жомарт Тоқаев үкіметтің кеңейтілген отырысында Маңғыстау облысындағы газ құбырларының мүмкіндігін кеңейту туралы тапсырма берді, деп хабарлайды inbusiness.kz.
"Қазір ел экономикасындағы газ саласының рөлі өте маңызды. Жақында осы тақырып бойынша арнайы кеңес өткіздік, негізгі бағыттарды айқындадық. Еліміздің газ тасымалдау жүйесін жаңғырту – басты міндеттің бірі. Үкімет пен "Самұрық-Қазына" қоры тиісті ұсыныстарды әзірледі. Оған қолдау көрсетуге дайынмын. Маңғыстау және Атырау өңірлерінің газға деген сұранысы артып келеді. Осыған орай "Маңғыстау облысының газ тасымалдау жүйесін қайта құру" және "Мақат-Солтүстік Кавказ" магистральді газ құбырының лупинг құрылысы" жобаларын бастауды тапсырамын", – деді Мемлекет басшысы Қасым-Жомарт Тоқаев.
Құралай Құдайберген
