Мұнайлы ауданында аулалардың бірінен мектеп жасындағы бала өлі күйінде табылған. Баланың қайтыс болғанын жедел-жәрдем станциясы растады, деп жазады inbusiness.kz сайты.
Аталған дерек бойынша адам өлімі фактісімен қылмыстық іс қозғалды. Дәрігерлер 2014 жылы туған баланың қайтыс болғанын жеткізді.
Маңғыстау облыстық полиция департаментіне 1 маусым күні Мұнайлы ауданына қарасты Атамекен ауылындағы үйлердің бірінде кәмелетке толмаған баланың қайтыс болғаны туралы хабарлама түскен.
– Алдын ала деректерге сәйкес, 12 жастағы жасөспірім аулада қолдан жасалған әткеншекте ойнап жүрген кезде жазатайым оқиғаға ұшырап, өміріне қауіпті жарақат алған. Қазіргі уақытта оқиғаның барлық мән-жайын анықтауға бағытталған қажетті тергеу амалдары жүргізіліп жатыр. Тергеу мүддесіне байланысты өзге ақпарат жария етілмейді, – деп хабарлады облыстық полиция департаментінің баспасөз қызметі.
