Мәселен, үш жыл бойы өз балаларын асырауға саналы түрде төлем жасамаған әрі берешегі 2 млн теңгеден асқан борышкерге 1 жыл мерзімге бас бостандығын шектеу түріндегі жаза тағайындалды. Кәмелетке толмағандардың істері жөніндегі мамандандырылған ауданаралық соттың үкімімен ҚР Қылмыстық кодексінің 139-бабы, яғни балаларын күтіп-бағуға арналған қаражатты төлеу жөніндегі міндеттерді орындамау бойынша кінәлі деп танылды.
Сонымен қатар 62 борышкерге қатысты әкімшілік іс қозғалды. Оның ішінде 34 адам қамауға алынып, 28-не жалпы сомасы 403 мың теңге айыппұл салынды. Алимент бойынша барлығы 52 млн теңге көлемінде қарыз өтелді.
Облыс прокурорларының айтуынша, қиын жағдайға тап болған адамдарға мемлекеттік органдармен бірлесіп жұмысқа орналасу мүмкіндігі ұсынылады. Биыл 95 борышкер жұмысқа орналастырылған.
Тасым Жаңай
