В Маңғыстау облысына Ішкі істер министрлігінің арнайы комиссиясы келіп, Ақтауда полиция департаменті басшылығына қатысты пайда болған анонимді ұжымдық хаттың мазмұнын тексеруге кірісті.
Хабарламаға сәйкес, Маңғыстау облыстық полиция департаментінің бастығы Сағындық Аяғанов интернетте жарияланған анонимді хаттағы айыптауларды тексеруді өзі бастама көтеріп, ІІМ мен тиісті органдарға ресми өтініш жолдаған. Ол сондай-ақ тексеру барысының ашықтығын қамтамасыз ету үшін мәслихат депутаттары мен қоғамдық ұйым өкілдерін жұмысқа тартуды ұсынған.
Еске сала кетсек, 19 қарашада әлеуметтік желілерде өңірдің бас полицейі мен оның орынбасарлары ұйымдасқан қылмыстық топ құрды деген мазмұндағы ұжымдық арыз тараған еді. Сол кезде департамент өкілдері бұл ақпаратты жоққа шығарып, жалған мәлімет деп бағалаған.
