Ал әлеуметтік желіде теріс діни материал жариялаған 7 адам жауапкершілікке тартылды.
"ҚР Әкімшілік құқық бұзушылық туралы" Кодексінің 490-бабына сәйкес, "ҚР Діни қызмет және діни бірлестіктер туралы" заңнамасын бұзғаны үшін 13 азамат жауапкершілікке тарылып отыр. Оларға жалпы соммасы – 1 207 638 теңге көлемінде айыппұл салынды. Жыл басынан бері аталмыш басқармаға 12 өтініш түсті. Оның ішінде ғибадат үйлерін салуға – 4, діни іс-шаралар өткізетін үй-жайларды келісуге – 2, миссионерлік қызметті жүргізуге – 4, діни әдебиетті таратуға орын белгілеуге 2 арыз бар", – деді Мақсатбек Маханбетов.
Оның айтуынша, 2018 жылдан бастап исламтанушы, дінтанушы, теолог мамандығына облыс әкімінің гранты бөліне бастаған. 2018-2021 жылдар аралығында облыс әкімінің 38 грантын иеленген жастар жоғары білім алуда.
"2018 жылы облыс әкімінің грантымен – 12, 2019 жылы – 12, 2020 жылы 10 студент "Нұр-Мүбарак" университетінде білім алған. Бүгінде аталған университетте маңғыстаулық 98 студент оқып жатыр, оның 4-уі облыс әкімінің грантын жеңіп алғандар", – деді Мақсатбек Маханбетов.
Алмас Қылыш
