Маңғыстау облысы бойынша Атом және энергетикалық қадағалау және бақылау комитеті департаментінің қызметкерлері "Бейнеуэнергосервис" мемлекеттік коммуналдық кәсіпорнына жоспардан тыс тексеру жүргізді.
Тексеру жүргізуге Маңғыстау облысы энергетика және тұрғын үй- коммуналдық шаруашылық басқармасының шағымы негізі болған, деп хабарлайды Лада кз.
Жоспардан тыс тексеру 20 қараша күні болған.
Департаментің жоспардан тыс тексеру барысында энегрия жеткізуші, энергия өндіруші ұйымның күзгі-қысқы кезеңде жұмыс істеуге дайындығы паспортын алу ережесін бұзғаны белгілі болды. Аталған факті бойынша Қазақстан Республикасы "Әкімшілік құқықбұзушылық туралы" кодексінің 301-бабының 1-бөлігіне сәйкес құқықбұзушылық туралы хаттама жасалды.
Айыппұл көлемі 63 125 теңге болды.
Департамент осындай құқықбұзушылықтың алдын алу үшін "Бейнеуэнергосервис" МКК-ке нұсқама берді.
