9 қаңтар күні Ақтауда есірткіге қарсы күрес қызметкерлері 42 және 33 жастағы екі жергілікті тұрғынды ұстады. Сондақ-ай парақшаларда есірткіні жасырын қойып кетушілер мен курьерлерді жұмысқа шақыру туралы ұсыныс болған, деп жазады inbusiness.kz сайты.
Ұсталғандардың екеуі де жұмыссыз және бұған дейін есірткі айналымына байланысты бірнеше рет жауапқа тартылған.
Ұсталғандардан маркерлер, жарнамалық парақшалар тәркіленді. Сонымен қатар олардан граффити салумен айналысу туралы "оператормен" сөйлескен хаттары мен фотосуреттер сақталған телефондар алынды.
Есірткіні заңсыз жарнамалау фактісі бойынша сотқа дейінгі тергеу басталды. Қажетті тергеу амалдары жүргізіліп жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
