Баннер втб
RU KZ
Рекламный баннер Dell
Маңғыстауда кинотеатрлар мен спорт залдарының ашылуына рұқсат берілді

Маңғыстауда кинотеатрлар мен спорт залдарының ашылуына рұқсат берілді

23 Қазан 2020 09:01 219

Маңғыстауда кинотеатрлар мен спорт залдарының ашылуына рұқсат берілді
Маңғыстаудағы сауда үйлеріне, сауда ойын-сауық орталықтарына және жабық базарларға сенбі күндері 17:00-ге дейін жұмыс істеуге рұқсат етілді.

Маңғыстау облысында 23 қазан 00:00 сағаттан бастап карантин талаптары жеңілдейді. Облыстың бас санитар дәрігерінің 21 қазандағы жаңа қаулысы шықты, деп хабарлайды әкімнің баспасөз қызметі.

Құжатқа сәйкес, енді Маңғыстаудағы сауда үйлеріне, сауда ойын-сауық орталықтарына және жабық базарларға сенбі күндері 17:00-ге дейін жұмыс істеуге рұқсат етілді. Алайда жексенбі күні жұмыс істемейді.

Спорт залдары қауіпсіздік, санитарлық ережелерді сақтап, толымдылығы 30%-дан аспай ғана қызметін жандандыра алады.

Сондай-ақ, 26 қазаннан бастап кинотеатрлар да дәл осындай талаптарды сақтай отырып, ашылады. Оларға жұмыс күндері (1-5 күндері) сағат 22:00 ге дейін, сенбі күні 17:00-ге дейін жұмыс істеуге рұқсат. Ал жексенбі күні жұмысын тоқтатады.

Маңғыстауда балабақшалар (кезекші топтардан бөлек), бильярд, компьютер клубтары, ойын-сауық мекемелері мен банкет залдары және түнгі клубтардың жұмыс істеуіне әлі де тыйым салынған.