Маңғыстауда мүгедектерге қатысты 4 мыңнан астам заңбұзушылық анықталды

265

"Кедергісіз қала" пилоттық жобасын іске қосылды.

Маңғыстауда мүгедектерге қатысты 4 мыңнан астам заңбұзушылық анықталды Фото: medspros.ru

Маңғыстау облысының прокуратурасы мүмкіндігі шектеулі адамдардың құқықтарын қорғау мақсатында "Кедергісіз қала" пилоттық жобасын іске қосты, деп хабарлайды Inbusiness.kz сайты.

Жоба мүгедектігі бар адамдарға қызмет көрсету саласында 4 мыңнан астам заңбұзушылықты анықтауға мүмкіндік берді. Бес лауазымды тұлға тәртіптік жауапкершілікке тартылды.

"Прокурорлық қадағалау актілері бойынша 9 мыңнан астам мүмкіндігі шектеулі жанның құқығы қалпына келтірілді, олардың жекелеген бұзушылықтары жүйелі сипатта болды. Атап айтқанда, заң талаптарын бұза отырып, сегіз сағаттық кесте бойынша жұмыс күндері ғана көрсетілетін инватакси қызметтерін көрсету тәртібінің сәйкессіздігі анықталды, ал заң бойынша бұл қызметтер үзіліссіз, оның ішінде демалыс және мереке күндері де көрсетілуі тиіс", - дейді облыстық прокуратура өкілдері.

Бұдан басқа, мүгедектігі бар 3 мыңнан астам адам жеке оңалту жоспарында көзделген тауарлар мен қызметтердің кепілдік берілген көлемімен қамтамасыз етілмеген. Мүгедектігі бар адамдар үшін қолжетімді орта талаптарына сәйкес келмейтін 100-ден астам қалалық және әлеуметтік инфрақұрылым нысандары бар.

"Жауапты тұлғалар 7,8 млн теңге әкімшілік айыппұлдарға тартылды, қолжетімділік талаптарына сәйкестендіру бойынша шаралар қабылданды. Қорытындыларды тиісінше толтырмаған медицина қызметкерлерінің кінәсінен әртүрлі аурулардан зардап шегетін 100 мүгедек қайта куәландырудан өтуге мәжбүр болды. Сот бірінші санаттағы мүгедектердің 802 жеке көмекшісінің құқықтарын қалпына келтірді, онда олардың пайдасына 30 млн теңгеге жуық заңсыз ұсталған төлемдер өндірілді", - деп түсіндірді прокуратура.

Сондай-ақ, мүгедек адамдардың инклюзивті білім беру бойынша еңбек құқықтарының бұзылуы анықталды. Мүгедек адамдардың өмір сүру сапасын жақсарту және уәкілетті органдар жұмысының тиімділігін арттыру мақсатында "Кедергісіз қала" пилоттық жобасы іске қосылды.   

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу