Науқан 15 қазанда аяқталады. Инспекторлардың айтуынша, акция Маңғыстау облысында сұңқарлар мен жабайы жануарлардың басқа да түрлерін аулауға және өткізуге маманданған ұйымдасқан қылмыстық топтардың жолын кесуге бағытталған.
"Акцияға "Охотзоопром" ӨБ " РМҚК жануарлар дүниесін қорғау қызметінен 15 инспектор, жоғары өтімді төрт автомашина, үш әмбебап нөлдік көлемді шанақ жұмылдырылады. Бұдан басқа, облыстық аумақтық инспекциялар мен құқық қорғау органдарының өкілдері қатарынан бірлескен мобильді топтар жұмыс істейді", - деді мамандар.
"Сұңқар" акциясы бүкіл республика бойынша өтеді. Сұңқарлар- аса сақ, қырағы, қанаттарымен ерекшеленеді. Соның көмегімен ептілікпен маневр жасай алады және ұшуда ерекше жылдамдықты қосады. Мәселен, Перегрин сұңқары әлемдегі ең жылдам құс болып саналады. Аң аулау кезінде 322 км/сағ немесе 90 м/с жылдамдыққа жете алады. 2005 жылдың ақпанында Макгилл университетінің канадалық ғалымы Луи Лефебвре құстардың IQ деңгейін, азық-түлік алу үшін көрсеткен тапқырлық дәрежесін анықтауды ұсынды. Бұл әдіс бойынша сұңқарлар ең ақылды құстардың қатарына енді.
