Маңғыстау облысында карантин кезінде туған күнін дүрілдетіп тойлаған шенеунік әйел жауапқа тартылды. Ол – облыстық әкімдіктің экономика және бюджеттік жоспарлау басқармасының басшысы Марина Әлбекова болып шықты. Видео "Yedilov online Telegram" арнасында жарияланып, қызу талқылауға себеп болған.
"Лауазымды тұлға департаментке түсініктеме беру үшін шақырылды. Ол ҚР әкімшілік құқық бұзушылық туралы кодексінің "халықтың санитариялық-эпидемиологиялық саламаттылығы саласындағы заңнама талаптарын бұзуын" қарастыратын 425-бабының 1-бөлігі бойынша әкімшілік жауапкершілікке тартылатын болады", - деп хабарлайды облыстық тауарлар мен қызметтердің сапасын бақылау департаментінен.
Құралай Қуатова
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
