Маңғыстау облысының Ақ Еспе ауылында үш қабатты тұрғын үйдің бетон баспалдағы опырылып түсті, деп хабарлайды matritca.kz.
Баспалдақпен бірге жертөлеге құлағандар ауруханаға жеткізілген.
Тұрғындардың айтуынша, үйдің өзі жөндеуді талап етеді. Бұған дейін баспалдақтағы тесікті жамауға ешкім асықпапты.Тұрғын үйге қызмет көрсететін ұйым да болмапты. Ал жақында ғана пайда болған ұйым әлі ешнәрсе тындыра қоймаған. Тұрғындар өздері қабаттар арасына тіреулер орнатыпты.
Ал ауыл әкімі Қалқатай Өтемұратов үйдің апаттық деп танылмағанын айтады. Шенеуніктер республикалық бюджеттен қаражат бөлуді сұрап отыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
