Радиоактивті қалдықтар қоймасы жақын маңдағы үш елді-мекенге қауіп төндіріп тұр. Экологиялық аймақта шамамен 372 мың адам тұрады. Қалдықтардың көлемі 6 мың 600 гектар. Өңірдің экологиялық мәселесі республикалық деңгейінде өзекті тақырыпқа айналып, Президент Қасым-Жомарт Тоқаев "Қошқар-ата" қалдықтар қоймасын үш жыл ішінде аяқтауды тапсырған болатын.
Кеңес дәуірі кезінде бірнеше зауыттың радиациялық қалдығы төгілген жасанды көлге 2021 жылы 10 қарашада республикалық бюджеттен 1 млрд. теңге бөлініп, рекультивациялау жұмыстары жасалды. 266,2 гектар жерге 819,3 мың шаршы метр топырақ төселді. Биыл республикалық бюджеттен 3 млрд теңге бөлініп, 905 гектар жерді залалсыздандыру жұмыстары басталды. Жобаны түзету туралы үш жақты меморандумға қол қойылып, нәтижесінде "Қошқар-ата қалдық қоймасын рекультивациялаудың" І кезеңін түзету бойынша мемлекеттік және мемлекеттік экология сараптамасының оң қорытындысы алынды. Қазір мердігер 2,5 шақырымнан топырақ тасу жұмыстарын бастады.
Тасым Жаңай
