Маңғыстауда "Ыбықты-Сай" шатқалында сенбілік өтті

144

Бұл акцияға облыстық "Жастар" ресурстық орталығының өкілдері  және "Yessenov" колледжінің студенттері белсене қатысты. 

Маңғыстауда "Ыбықты-Сай" шатқалында  сенбілік өтті Фото: Қоғамдық коммуникациялар орталығы

"Таза Қазақстан" атты экологиялық акция қала белсенділері  "Ыбықты-Сай" тарихи орнына тазалық жұмыстарын жүргізді , деп хабарлайды inbusiness.kz сайты Қоғамдық коммуникациялар орталығына сілтеме жасап.

- Маңғыстау облысы еріктілерінің ұйымдастыруымен Ыбықты-Сай  шатқалына сенбілік өткізуді ұйғардық. Киелі өлкенің көрікті жерлеріне саяхаттайтын туристер ағыны жыл сайын артып келеді, табиғат-Ананың қымбат қазынасы ретінде мұндай жәдігерлердің бастапқы қалпын бұзбай, жайнап тұруы тікелей бізге байланысты. Ұрпақтың жарқын келешегі туған жеріне деген сүйіспеншіліктен басталады,- деді қала еріктісі Амангүл Жамкен

Ыбықты-Сай  шатқалы Ақтаудан 60 шақырым жерде орналасқан. Ол Қазақстанның ең терең ойпатында - Қарақияда орналасқан. Бұл шатқал- табиғаттың ерекше туындысы. Көптеген адамдар оны ашық шатқал деп атайды. Миллиондаған жылдар бойы жаңбыр мен жел мүжіп, мінсіз мүсіндеген шатқалдар көркімен көз баурайды. Таңғажайып лабиринттер мен аркалардың әлеміне енгендей күй кешесіз.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу