Мемлекет басшысының тапсырмасы бойынша сыбайлас жемқорлыққа қарсы соттардың нәтижесінде мемлекет билігіне түсетін барлық заңсыз алынған қаражат мектеп салуға жұмсалуы тиіс.
Маңғыстау облысында үш ауысымды оқытуды жою, сондай-ақ оқушы орындарының тапшылығы проблемаларын шешу үшін төрт мектептің құрылысы жүргізілуде.
"Ағымдағы жылы білім беру инфрақұрылымын қолдау қоры есебінен басталған төрт нысанды аяқтауға қаражат бөлінді. Оның ішінде: Ақтаудағы 19а шағын ауданында 1200 орындық мектеп салу; 18 шағын ауданда 1 200 орындық мектеп салу; Мұнайлы ауданы Басқұдық ауылындағы "Алау" тұрғын алабында 1 200 орындық мектеп салу; Қызылтөбе ауылдық округіндегі "Қызылтөбе-2" тұрғын алабында 1200 орындық мектеп салу", – дейді облыстық білім басқармасының мамандары.
Нысандарды пайдалануға беру 2024 жылға жоспарланған.
