Бұл туралы Маңғыстау облысының Қоғамдық коммуникация орталығында өткен брифингте МО Қаржы басқармасының басшысы Қуаныш Берішбаев мәлім етті. Айтуынша 25,5% бюджеттің жалпы көлемінен 69,8 млрд.теңге республикалық бюджеттен бөлінген. Ал, жергілікті бюджеттің түсімдері 140,3 млрд.теңгеге орындалды
"Облыс бюджетінің ең үлкен үлес салмағын 49%, әлеуметтік сала шығыстары алады. Оның ішінде білім беру – 38%, әлеуметтік көмек пен әлеуметтік қамтамасыз ету – 4,8%, мәдениет, спорт және ақпараттық кеңістік – 3,4%, денсаулық сақтау – 2,7%, тұрғын үй-коммуналдық шаруашылық – 20,3%, көлік және коммуникация-6,5%", – деді Қуаныш Берішбаев.
Дағдарысқа қарсы шараларды іске асыру шеңберінде республикалық бюджеттен 32 млрд.теңге бөлінді. Бұл қаражат 172 жобаны іске асыруға бағытталды.
"Оның ішінде 8,1 млрд. теңге сомасына 81 әлеуметтік-мәдени объектілерді салу және жөндеу 6,3 млрд. теңге сомасына 38 тұрғын үй-коммуналдық шаруашылық объектілерін 13,5 млрд.теңге сомасына 45 инженерлік-көліктік инфрақұрылым объектілерін, 4 млрд. теңге сомасына елді мекендерді абаттандыру бойынша 8 жоба. Осы бағдарламаны іске асыру халықты 6 383 қосымша жұмыс орындарымен қамтамасыз етуге мүмкіндік берді", – деді Қуаныш Берішбаев.
