Қостанай облысынан Маңғыстауға 32 миллион теңгенің мал азығы тегін жеткізіледі, деп хабарлайды inbusiness.kz.
Маңғыстау облысының әкімдігі мен "Олжа Агро" ЖШС арасында мал азығын тегін жеткізу бойынша меморандумға қол қойылған.
"Келісім аясында аталған компания қуаңшылықтан зардап шеккен шаруаларға көмек ретінде жалпы құны 32 миллион теңге болатын 250 тонна шөп және 180 тонна жем жеткізеді. Сонымен қатар ЖШС өңірге мал азығын нарықтағыдан төмен бағаға жеткізеді", - деп жазылған облыс әкімдігінің баспасөз қызметі таратқан хабарламада.
Бұл жұмысқа аймақ басшысының орынбасары Ғалымжан Ниязов жауап береді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
