Орталық коммуникациялар алаңында өткен брифингте өңір экономикасынның дамуы сөз болды, деп хабарлайды inbusiness.kz сайты.
Облыста өңдеу өнеркәсібі 116% өскені мәлім болып отыр. Яғни, 11 айдың қорытындысы бойынша өңір экономикасының негізгі көрсеткіштері оң нәтижеге қол жеткізген.
– Облыс дамуының негізгі бағыттары – өңдеу өнеркәсібі, туризм, көлік және логистика, шағын және орта бизнес, сондай-ақ агроөнеркәсіп салалары болып қала бермек. Аталған бағыттардың тұрақты дамуына тың серпін беру үшін өңірге инвестиция тарту жұмыстары жалғасатын болады. Соңғы бес жылда өңірге 4 трлн теңге инвестиция тартылды, – деді облыс әкімі.
Жалпы өңірлік өнім 2,2 трлн теңге немесе 100,9%-ға өссе, өнеркәсіп өнімінің 2,8 трлн теңгеге артқаны белгілі болған. Сондай-ақ, өңдеу өнеркәсібінің өнімі 116,2%, ауыл шаруашылығы өнімі 101,6%, тұрғын үйді іске қосу 102,4%, ақпарат және байланыс 105,9% және сауда көлемі 106,8%-ға көбейген.
