Алда тағы екеуін орнату жоспарланған. Барлығы 5 кешеннің көмегімен өңірдегі ылғалдылықты кем дегенде 30 пайызға арттыру көзделген. Қондырғы көмегімен теріс ағынды иондар бұлтқа жіберіліп, әуеде ылғал түзіледі. Осылайша құрғақшылықты жеңу туралы келісім бар. Жоба құны – 5 млн еуро. Оның 1 млн 200 мың еуросын демеушілер көтереді, қалған соманы жобаны ұсынушы компания инвестициялайды. Келісімшарт 1 жылға жасақталды. Пилоттық жоба тиімділігін дәлелдесе, әрі қарай жалғасуы мүмкін.
Жоба жетекшісі Алтай Айнабек: "Үш қондырғыны қостық. Бір жетінің ішінде тұрақты жаңбыр жауады деп деп жоспарлап отырмыз. Барлығы бір кешен боп жұмыс жасайды 100 мың шаршы км аумаққа жаңбыр жаудырамыз. Қондырғының 3-уі қашықтықтан, 2-уі қолмен басқарылады", – деді ол.
Алмас Қылыш
