Ұлттық құрама мүшелері Қазақстанның намысын абыроймен қорғады. Құрамада өнер көрсеткен қазақстандық құсбегілер Бексұлтан Сейітжан мен Ерасыл Серікбек 1 және 2 орын алса, 3 орынды маңғыстаулық Айшуақ пен қырғызстандық Салават Айбекулу өзара бөлісті.
Құсбегіліктен өткен әлем чемпионаты саятшылық өнерінің халықаралық деңгейде дамуына жол ашты.
"Алғашқы әлем чемпионатында 3-орын алдық. Үлкен жетістік, жеңіс ортақ! Ұлттық рухымыз өсіп, ата-бабамыздан қалған өнерді жалғастырушылармыз. Сол сезімнің өзі мақтаныш", - дейді Айшуақ Тайманов.
Аталған чемпионатқа әлемнің жеті елінен 100-ден аса спортшы келді. Қазақстан, Моңғолия, Қырғызстан, Түркия, Ресей, Украина, Қытай елдерінен 61 бүркіт, 20 қаршыға, 15 ителгі қатысты. Әлем біріншілігінде спортшылар "Бүркіт", "Қаршыға", "Ителгі" бойынша сынға түсті.
