Маңғыстаулық спортшы Нұрдәулет Жарылғапов қазақ күресінен Азия чемпионы атанды, деп хабарлайды inbusiness.kz тілшісі.
Қазақ күресінен ересектер арасында Азия чемпионаты Өзбекстанда өтті. Жарыста 11 елдің спортшылары бақ сынады.
"Ұлттық құрамада өнер көрсеткен маңғыстаулық Нұрдәулет Жарылғапов 1 +100 келі салмақ дәрежесінде Азия чемпионы атанды. Нұрдаулет алғашқы белдесуінде үндістандық спортшыны жеңсе, одан кейінгі белдесулерінде тәжікстандық және жапондық спортшыдан басым түсті", - делінген хабарламада.
Ұлттық құрама өкілдері жалпыкомандалық есепте бірінші орынға ие болды.
Жалпыкомандалық есеп І орын – Қазақстан (8 алтын, 3 күміс, 4 қола), ІІ орын – Өзбекстан (7 алтын, 4 күміс, 4 қола), ІІІ орын – Тәжікстан (1 алтын, 5 күміс, 1 қола) алды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
