Маңғыстаулық велошабандоз 1750 шақырымды жүріп өтті

Велошабандоздың құрметіне ауыл жастарымен кездесу ұйымдастырылды. Жиын барысында жиһангез сапар кезінде аралаған жерлері мен қызықты оқиғаларды айтып берді.

"Басты мақсат – ішкі туризмді дамыту. Мен саяхат кезінде "Бейнеу-Шалқар-Торғай-Нұр-Сұлтан" бағытын араладым. Әр өңір ерекше қарсы алды. Әр жердің өзіндік ерекшелігі бар. Өте қатты ұнады. Осы орайда жастарды бос уақытты тиімді жұмсап, спортпен шұғылдануға шақырамын", – деді Рәббім Борашев.

Кәсіпкер енді еліміздің шығысына саяхаттауды жоспарлап отыр. Сондай-ақ велосаяхат жайында кітап жазуға ниетті. Аудан әкімінің орынбасары Рақымжан Шалабаев саяхатшыға Бейнеу ауданының "Бірінші велошабандозы" деген жазуы бар спорттық киім мен жаңа велосипедті сыйға тартты.

Алмас Қылыш

БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында

Жазылу