2019 жылдан Павлодар облысындағы Маралды көлінде пантымен емдеу қызметтері көрсетіле бастайды, деп хабарлайды pavlodarnews.kz.
Шарбақты ауданының әкімі Әзілхан Әбеуовтің айтуынша, былтыр Маралды көлінде 60 мың турист демалған, көл аумағында туризмді дамыту биыл да жалғасын табады.
"2018 жылы біздің курорттық аймаққа 60 мың турист келген. Екі жыл бұрын бұл жаққа панты кесіліп алынып, болашақта пантымен емдеуді қолға алу мақсатында маралдар әкелінген болатын. Бүгін инвестор бұл бағытты жүзеге асыра бастады", – деді әкім есебінде.
Одан басқа, Шарбақты ауданында Ғабдыл-Уахит Хазрет кесенесіне дейін жететін атты маршрут әзірленген болатын. Былтыр осы туристік бағытпен АҚШ-тан келген қонақтар қыдырып қайтқан.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
