/img/tv1.svg
RU KZ
DOW J 21 921,63 Hang Seng 23 026,51
FTSE 100 5 434,13 РТС 982,60
KASE 2 212,62 Brent 25,21
Масанчиде болған қақтығысқа қатысты 25 қылмыстық іс қозғалды

Масанчиде болған қақтығысқа қатысты 25 қылмыстық іс қозғалды

Бұл туралы үкіметтік комиссияны бастап Қордай ауданына арнайы келген Бердібек Сапарбаев мәлімдеді.   

10 Ақпан 2020 22:45 263

Масанчиде болған қақтығысқа қатысты 25 қылмыстық іс қозғалды

Масанчиде болған қақтығысқа қатысты 25 қылмыстық іс қозғалды, деп хабарлайды inbusiness.kz.

Сонымен қатар вице-премьер жапа шеккендерге материалдық көмек көрсетілетінін айтты. Сонымен үкіметтік комиссия тағы қандай маңызды шешімдер шығарды?  

inbusiness.kz-ті қараңыз, оқыңыз :

Мемлекет басшысы Қордай оқиғасының себебін айтты

Биыл 7 ақпанда Қордай ауданындағы Масанчи ауылында жаппай төбелес болып, соның салдарынан 11 адам қаза тапқан болатын.  

01 Наурыз 2020 18:53 116

Мемлекет басшысы Қордай оқиғасының себебін айтты

ҚР Президенті Қасым-Жомарт Тоқаев Қордайдағы жергілікті қызметкерлердің пара алу және шекара арқылы заңсыз сауда жасау мәселелерін шешуді тапсырды, деп хабарлайды Ақорда.

ҚР Президенті тергеу жұмыстары заңға сәйкес жүргізілетінін, заң алдында бәрі тең екенін айтып, Қордайдағы жергілікті қызметкерлердің пара алу және шекара арқылы заңсыз сауда жасау мәселелерін шешуді тапсырды.

«Ауданда бір топ адам белсенді түрде контрабандамен айналысып жүрген. Бұл – белгілі нәрсе. Осы іске басқа топ та қатысқысы келген. Бір сөзбен айтсақ, заңсыз табыс көзі үшін екі қылмыстық топтың арасында текетірес пайда болған. Бұл текетірес салдарынан көп адам зардап шекті. 11 адам қаза тапты. Оны ашық айту керек. Енді құқық қорғау органдарының алдында тұрған мақсат – барлық қылмыскерлерді ұлтына қарамай, заңға сәйкес жазаға тарту. Онсыз елімізде тәртіп болмайды», – деді Президент.

Еске сала кетсек, бүгін ҚР Президенті Қасым-Жомарт Тоқаев Жамбыл облысының Қордай ауданындағы Қаракемер ауылының жұртшылығымен кездескен болатын.

 

Қордай ауданына жаңа әкім тағайындалды

ҚР Президенті Әкімшілігі және аудандық мәслихат депутаттарының келісімімен Жамбыл облысы Қордай ауданына әкім болып Рүстем Дәулет тағайындалды.  

21 Ақпан 2020 19:58 243

Қордай ауданына жаңа әкім тағайындалды

Аймақ басшысы Бердібек Сапарбаев жаңа әкімді аудан активіне таныстырды, деп хабарлайды Жамбыл облысы әкімінің баспасөз қызметі.

Өңір басшысы жаңа әкімге ауданның әлеуметтік-экономикалық дамуы, заңдылық пен құқықтық тәртіпті сақтау, қоғамдағы бірлік пен келісімді нығайту бойынша бірқатар міндеттер жүктеді.

 «Біз аудандағы тұрақтылық пен қауіпсіздікті қамтамасыз ету үшін жағдайды қолға алдық. Бұл – Мемлекет басшысының тапсырмасы. Заң бұзғандар жауап береді», – деді Б. Сапарбаев.

Сондай-ақ, ауданның жаңа басшысына көктемгі егіс жұмыстарына дайындық барысын бақылауға алу, білім және медициналық қызмет көрсету сапасын жақсарту, жастар арасында тәрбие жұмысын күшейту бойынша тиісті шаралар қабылдауды тапсырды.

Сонымен қатар, Бердібек Сапарбаев аудан тұрғындарын алып-қашпа әңгімелер мен арандатуға сенбей, тек ресми ақпарат көздеріне сенім артуға шақырды.

Айта кетейік, Рүстем Рысбайұлы Дәулет 1974 жылы Жамбыл облысында туған. Білімі жоғары, 1996 жылы Жамбыл жоғары кәсіпкерлік мектебін «кәсіпкер-маркетолог», 2003 жылы Қазақстан Республикасы Президенті жанындағы Мемлекеттік басқару академиясын «Мемлекеттік басқару», 2010 жылы М.Х.Дулати атындағы Тараз мемлекеттік университетін «Құқықтану» мамандығы бойынша бітірген.

Еңбек жолын 1994 жылы «Бостандық» акционерлік қоғамында қарапайы жұмысшы болып бастаған.

Әр жылдары Талас ауданы Бостандық ауылдық округі әкімінің орынбасары, әкімі, Қаратау қаласы әкімінің орынбасары, Қазақстан Республикасы Парламенті Сенаты Аппаратының кеңесшісі, Қазақстан Республикасы Индустрия және сауда министрлігінің Сауда комитетінің басқарма бастығы, «ALIT» ЖШС бас директорының орынбасары, Қазақстан Республикасы Парламенті Сенаты төрағасы орынбасарының көмекшісі, Қазақстан Республикасы Парламенті Сенаты депутатының көмекшісі, Жамбыл ауданы әкімінің орынбасары, Жамбыл және Шу аудандарының әкімі, Тараз қаласының әкімі қызметтерін атқарған.

2018 жылдың сәуір айынан бастап Жамбыл облысы әкімінің кеңесшісі, 2019 жылғы сәуірден бастап Жамбыл облысы әкімі аппаратының басшысы қызметін атқарып келді.

 

 

Жаңалықтарға жазылу: