Америкалық кәсіпкер Илон Маск алты апта ішінде Twitter-дің бас директоры қызметінен кететінін айтты, деп жазады inbusiness.kz.
"Мен X/Twitter үшін жаңа бас директорды жалдағанымды қуана хабарлаймын. Ол өз міндеттеріне шамамен алты апта ішінде кіріседі", - деп жазды ол өзінің Twitter парақшасында.
Миллиардер сонымен қатар компанияның атқарушы төрағасы және техникалық директоры қызметін атқаратынын айтты. Оның міндеттеріне бағдарламалық жасақтама мен жүйелік басқаруды бақылау да кіреді.
The Wall Street Journal хабарлауынша, NBC Universal американдық медиа корпорациясының сату жөніндегі директоры Линда Яккарино Twitter компаниясының жаңа бас директоры болу үшін келіссөздер жүргізуде.
Басылымның хабарлауынша, Яккарино NBCUniversal-да 10 жылдан астам жұмыс істеді. Мансап барысында ол жарнаманың тиімділігін бағалау әдістерін жетілдіру жолында еңбек еткен.
