Рен ТВ ақпаратына сәйкес, 4 адамның денесі табылды, деп жазады Inbusiness.kz сайты.
Соңғы ақпаратқа сенсек, Mash телеграм-каналының хабарлауынша, тоғыз адам қаза тапты. Олардың екеуі алтыншы және жетінші қабаттардан секірді, тағы жетеуі көміртегі тотығымен тұншығып немесе өртеніп кетті.
Ашық дереккөздердің деректеріне сәйкес, ғимарат ӘӨК саласына жататын "Платан" ғылыми-зерттеу институтына тиесілі. "Платан" ҒЗИ ғимаратындағы өрт туралы бастапқыда билік өкілдері хабарлады. Кейіннен "Росэлектроника" жанып жатқан ғимараттың ғылыми-зерттеу институтына қатысы жоқ екенін және 90-шы жылдары жеке меншікке ауысқанын хабарлады. Онда әртүрлі компаниялардың кеңселері орналасқан деп айтылады.
Мәскеу облысының губернаторы Андрей Воробьевтің айтуынша, ғимарат ішіндегі бөлмелерді 30 фирма жалға алған.
Telegram-арналарда өрт болып жатқан жерден видеолар мен суреттер толасыз жарияланып жатыр. ТАСС-тың соңғы мәліметтері бойынша, жеті қабат толығымен өртеніп кетті. ТЖМ бұған дейін өрт бесіншіден тоғызыншы қабатқа дейін таралғанын хабарлады.
Жалпы өрттің ауданы бес мың шаршы метрді құрады. Ғимараттың ішінде құрылымдар құлап, жарылыстар естілді. Жедел қызметтердің мәліметінше, газ баллондары жарылған.
ТЖМ қызметкерлері бір адамды эвакуациялады деп мәлімдейді. Ғимаратта адамдар қалды ма, жоқ па белгісіз. Мәскеу уақытымен сағат 19 шамасында ТЖМ өрттің тоқтатылғаны жайлы хабарлады.
Фрязиндегі өрттің себебі электр желісінің апаттық жағдайда жұмыс істеуі болды, деп хабарлады жедел қызметтер ТАСС агенттігіне.
Shot телеграм арнасы дереккөзге сілтеме жасай отырып, өрт фаралар жиналған бөлмеде басталуы мүмкін деп хабарлады. Қызметкерлер жабдықты өшіруді ұмытып, жұмыс орындарынан кетіп қалған болуы керек.
ТАСС хабарлағандай, бұрынғы "Платан" ҒЗИ ғимараты 2017 жылдан бастап өрт қауіпсіздігі талаптарына сәйкестігі тексерілмеген.
Өрт фактісі бойынша қылмыстық іс қозғалды.
"Платан" ғылыми-зерттеу институты электронды сәулелік құрылғылар мен жартылай өткізгіш лазерлерді, сондай-ақ сұйық кристалды экрандарды жасаумен айналысады.
