/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 384,89 Brent 36,55
Мәскеуде коронавирус жұқтырған тағы 4 адам көз жұмды

Мәскеуде коронавирус жұқтырған тағы 4 адам көз жұмды

Ресей астанасында вирустан қайтыс болғандардың жалпы саны 11 адамды құрап отыр.

31 Наурыз 2020 09:06 195

Мәскеуде коронавирус жұқтырған тағы 4 адам көз жұмды

Ресей астанасында коронавирус жұқтырған және созылмалы дертке шалдыққан тағы 4 адам қайтыс болды. Бұл туралы Мәскеудегі коронавируспен байланысты жағдайды бақылау мен мониторингілеу жөніндегі жедел штабтың Telegram-арнасынан хабарланған, деп жазады ҚазАқпарат ТАСС агенттігіне сілтеме жасап.

«Мәскеуде 4 пациент қайтыс болды. Оларға «пневмония» диагнозы қойылған және коронавирус жұқтырғаны да анықталды. Марқұмдардың жасы 76 мен 86-ның аралығында. Олардың барлығы жүрек-қантамырларының созылмалы дертіне шалдыққан», – деді штаб өкілдері.

Сонымен қатар қайтыс болғандардың созылмалы пиелонефрит, демікпе, мидың созылмалы ишемиясы сияқты аурумен ауырғандары да белгілі болды. Екі адамда қант диабеті болған. Пациенттердің екеуі тыныс алу аппаратына қосылған.

ТАСС агентігінің жедел штаб мәліметтеріне сілтеме жасап хабарлауынша, Мәскеуде осыған дейін коронавирус жұқтырған және өзге де аурулары бар 7 азамат қайтыс болды. Мәскеуде вирустан қайтыс болғандардың жалпы саны 11 адамды құрап отыр.

Ресейде коронавирус инфекциясын жаңа әдіспен емдей бастады

Жаңа әдіспен қазір жеті адам емделіп жатыр. 

09 Сәуір 2020 17:39 211

Ресейде коронавирус инфекциясын жаңа әдіспен емдей бастады

Склифосовский атындағы жедел жәрдем институты мен Мәскеудегі №52 ауруханада Covid-19 вирусын жұқтырғандардың ағзасына осы аурудан айыққандардың қан плазмасын құйып емдеп жатыр. Бұл туралы Мәскеу қаласының әлеуметтік даму жөніндегі вице-мэрі Анастасия Ракова мәлім етті.

«Біз басқа елдердегі әріптестеріміздің ауруды қалай емдеп жатқанын бақылап жүрміз. Осындай зерттеулер Қытай, Германия және АҚШ елдерінде жүзеге асырылып жатыр. Қан плазмасын құю әдісі індетті еңсеруге зор септігін тигізеді деп үміттенеміз», – деді Ракова. 

Аурудан жазылғандардың қанында вирусқа қарсы тұра алатын антиденелер бар екен. Әзірге коронавирус инфекциясынан құлантаза жазылып шыққан 11 адам донор болуға келіскен. Ал жаңа әдіспен қазір жеті адам емделіп жатыр. 

Ракованың айтуынша, бір донордың қан плазмасы 1-3 науқасқа жетеді. Сондықтан қан тапсырушылардың саны неғұрлым көп болса, індетті ауыздықтау соғұрлым жеңілірек болады. 

Донорлардың қаны коронавирус жұқтырғандарға құйылмас бұрын тексерістен өтеді. Мысалы, жазылғандар Covid-19 вирустық инфекциясынан жазылды деген медициналық құжат болу керек. Сонымен қатар олар АИВ-ті, В және С гепатиттерін анықтайтын тест, қанның биохимиялық анализін тапсыруға міндеттеліп, коронавируқа қарсы антиденені анықтайтын зерттеу жұмыстары жүргізіледі. 

Соңғы мәлімет бойынша, Ресейде науқастардың саны 10 мыңнан асып, оның 76-сы қайтыс болды. 700-ге жуық кісі ем-дом қабылдап жазылған. 

Табиғат Нұрболат

Президент: Балаларға қолжетімді бұқаралық спортқа мойын бұрған жөн

Қасым-Жомарт Тоқаев Олимпиада ойындарын кейінге қалдыру туралы шешімді толық қолдайтынын жеткізді.  

25 Наурыз 2020 20:39 275

Президент: Балаларға қолжетімді бұқаралық спортқа мойын бұрған жөн

«Жапония премьер-министрі С.Абэ мен Халықаралық Олимпиада комитетінің Олимпиада ойындарын кейінге қалдыру туралы шешімін толық қолдаймын. Жалпы, Олимпиада ойындарының мән-маңызын қайта қарау қажет. Оған қыруар қаржы жұмсалады. Балаларға қолжетімді бұқаралық спортқа мойын бұрған жөн»,– деп жазды Мемлекет басшысы твиттердегі парақшасында.