Мәскеуден Ақтауға ұшқан Sukhoi Superjet жолаушылар ұшағы Самара әуежайында шұғыл қонуға мәжбүр болды, деп хабарлайды inbusiness.kz тілшісі ТАСС-қа сілтеме жасап.
"Шереметьево - Ақтау бағыты бойынша ұшқан ұшақ Самарадағы Курумоч әуежайына шұғыл қонды", - делінген хабарламада.
Алдын ала мәліметтер бойынша, ұшақ бортында штаттан тыс жағдай орын алған. Авиакомпания Самарада мәжбүр болған фактіні растап, түтін датчигі іске қосылғанын атап өтті.
"13 шілдеде Мәскеу - Ақтау FV6525 рейсімен келе жатқан Superjet ұшағы багаж бөлігінде түтін датчигі іске қосылуына байланысты Самара әуежайына мәжбүрлі түрде қонды. Авиакомпания рейсті орындау үшін Астана бойынша сағат 22:20-дан кейін Самараға келетін резервтік әуе кемесін жіберу туралы жедел шешім қабылдады. Рейсті Астана бойынша 00:00-ден кейін жалғастыру жоспарлануда", - деп атап өтті компания.
