Осыған орай, қала әкімі аппаратының басшысы Ғабит Мәуленқұлов сөз алып, демографиялық өсім бойынша тұрғындар саны жыл сайын 2,5-3 пайызға көбейіп келе жатқанын айтты.
Сонымен бірге Шымкент республикалық маңызға ие қалалардың ішіндегі аумағы жағынан ең үлкені саналады. Әрі мегаполиске ауыл типтес 41 елді мекен шеттен қосылған. Бұларды дамыту – кезек күттірмейтін мәселе. Осыған байланысты жаңадан бесінші аудан құру қажеттілігі туындаған.
Бесінші аудан қаланың әкімшілік жұмысын жеңілдетіп, мемлекеттік қызмет көрсету сапалы деңгейге көтеріледі деген сенім білдірді аппарат басшысы.
Жаңа аудан аумағы 36 мың гектарға созылып, тұрғын саны шамамен 210 мың адамды құрайтын болады.
Әнуар Жұмашбаев
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
