Мәулен Әшімбаев Қазақстан мен ЕҚЫҰ ынтымақтастығын дамыту мәселелерін талқылады

Мәулен Әшімбаев Қазақстан мен ЕҚЫҰ ынтымақтастығын дамыту мәселелерін талқылады

18 Мамыр 2021 20:21 371

Мәулен Әшімбаев Қазақстан мен ЕҚЫҰ ынтымақтастығын дамыту мәселелерін талқылады
Сенат Спикері Мәулен Әшімбаев Еуропадағы қауіпсіздік және ынтымақтастық ұйымы Нұр-Сұлтан қаласындағы Бағдарламалар кеңсесінің басшысы Фолькер Фробартпен кездесіп, Қазақстан мен ЕҚЫҰ арасындағы ынтымақтастықты дамыту мәселелерін талқылады, деп хабарлайды inbusiness.kz порталы.  

Кездесу барысында палата Төрағасы елімізде Мемлекет басшысының бастамасымен іске асырылып жатқан маңызды саяси реформалар жөнінде айтып өтті. Соның ішінде, сайлау туралы заңнамаларға енгізілетін өзгерістерге кеңінен тоқталды.

«Биылғы 15 қаңтарда Парламенттің жаңа шақырылымының сессиясы ашылды. Сол жиында Президентіміз Қасым-Жомарт Тоқаев бірқатар саяси бастамаларды ұсынды. Нақты айтқанда, саяси партиялардың Парламент Мәжілісіне және мәслихаттарға өту шегін 7 пайыздан 5-ке дейін төмендету ұсынылды. Сондай-ақ, сайлау бюллетендеріне «Бәріне қарсымын» деген жазуды қосу мәселесі көтерілді. Қазіргі таңда тиісті заң жобасын Сенат қарап жатыр», – деді Мәулен Әшімбаев.

Сонымен қатар сұхбаттасушылар халықаралық мәселелерге де назар аударды. Соған сәйкес кездесу кезінде Орталық Азия елдерінің өзара қарым-қатынасын дамыту және Ауғанстанды қалпына келтіру мәселелері талқыланды. Одан бөлек, әңгіме барысында екі жақ өңірде су ресурстарын пайдалану, оның ішінде, Арал теңізінің экологиялық ахуалы жайында сөз қозғады.

«Арал теңізінің қазіргі ахуалы Орталық Азия елдеріндегі миллиондаған тұрғынның өмір сүру сапасына кері әсерін тигізіп отыр. Біздің елдеріміз халықаралық ұйымдармен бірлесіп, Арал теңізі бассейніндегі экологиялық және әлеуметтік-экономикалық дағдарысты еңсеру үшін жұмыс істеуде. Өңір елдерінің бастамасымен құрылған Халықаралық Аралды құтқару қоры жұмыс істеп тұр. Қазақстан Арал теңізін қалпына келтіру бағдарламасын іске асыру аясында су көлемін ұлғайтты», – деді Мәулен Әшімбаев.

Кездесу соңында екі тарап Қазақстан мен ЕҚЫҰ арасындағы ынтымақтастықты арттыруға мүдделі екендерін білдірді.  

160189

Ұқсас материалдар:

karagandyda-kogam-belsendisinin-olimine-katysty-kylmystyk-is-tergelude

zhylytu-mausymyna-65-mynnan-astam-nysandy-dajyndau-kazhet-bejbit-atamkulov

edil-ozeninen-135-mln-tekshe-metr-su-alu-maselesi-karastyryluda

vagon-kurajtyn-tulpar-zauytynyn-satyluy-resejlik-kompaniyaga-basymdyk-berilgeni-ras-pa

putin-men-si-czinpin-birlese-yadrolyk-zhobany-bastamak

загрузка

×