Жыл соңында Маңғыстау облыстық "Ана мен бала" перинаталдық орталығында үшем дүниеге келді. Дүниеге үшемді әкелген Мұнайлы ауданының тұрғыны, 35 жастағы ананың бұған дейін 4 баласы бар. Жолдасы екеуі де жергілікті аэропорт кешенінің жұмысшылары, деп хабарлайды Inbusiness.kz сайты.
Жаңа туған нәрестелердің үшеуі де қыз бала. Сәбилердің салмағы 1890 гр,1950 гр және 2700 гр болып дүниеге келді. Нәрестелерге ата-анасы Асылым, Айзада, Айдана есімдерін берген.
"Анасының жағдайы жақсы, ал нәрестелер орталықта емдеп жетілдірудің 2-ші сатысы бөлімшесінде ем қабылдауда. Әзірге жан-жақты зерделеніп, толықтай ем алады және жағдайлары тұрақталғанша дәрігерлердің бақылауында болады", - деп мәлімдеді орталық қызметкерлері.
