/img/tv1.svg
RU KZ
DOW J 25 178,24 FTSE 100 6 565,80
KASE 2 222,59 Hang Seng 26 109,93
РТС 1 299,69 Brent 50,14
Мәжіліс төрағасы қытайлық әріптесімен келіссөз жүргізді

Мәжіліс төрағасы қытайлық әріптесімен келіссөз жүргізді

Мәжіліс төрағасы ресми сапардың  ҚХР құрылуының 70 жылдық мерейтойымен сәйкес келіп отырғанына назар аударды.

22 Қыркүйек 2019 11:45 388

Мәжіліс төрағасы қытайлық әріптесімен келіссөз жүргізді

Бүгін мәжіліс төрағасы Нұрлан Нығматулин Қазақстанға алғаш рет ресми сапармен келген Бүкілқытайлық халық өкілдері Жиналысы тұрақты комитетінің төрағасы Ли Чжаншумен кездесу өткізді, деп хабарлайды ҚР мәжілісінің баспасөз қызметі.

Палата Спикері Қазақстанның Тұңғыш Президенті Нұрсұлтан Назарбаев пен Қытай басшылығы негізін қалаған елдеріміз арасындағы сенімді саяси диалог, тығыз экономикалық байланысқа айрықша назар аударды.

Сондай-ақ, Н. Нығматулин Қытайға тұңғыш мемлекеттік сапары кезінде Қазақстан Республикасының Президенті Қасым-Жомарт Тоқаев пен Қытай Төрағасы Си Цзиньпин арасында жасалған келіссөздер Қазақстан мен Қытай қатынасын мәңгілік жан-жақты стратегиялық әріптестік деңгейіне жеткізгенін және біздің мемлекеттеріміз ынтымақтастығында жаңа тарихи кезең басталғанын атап өтті.

Өз кезегінде мәртебелі мейман қос мемлекет арасындағы ынтымақтасық  деңгейін өте жоғары бағалады.  Ли Чжаньшу Қытай келешекте де өз даму жолы бар Қазақстанның гүлденуіне ниеттес бола отырып, алдағы уақытта да біздің еліміздің халықаралық аренада салмақты рөл атқаруына қолдау көрсететіндігін жеткізді. Осы ретте Бүкілқытайлық халық өкілдері Жиналысы Тұрақты комитетінің Төрағасы  жақында мемлекеттер басшылары қол қойған мәңгілік жан-жақты стратегиялық әріптестік туралы бірлескен мәлімдеменің маңыздылығына тоқталды.

Мәжіліс төрағасы екі ел ықпалдастығын одан әрі тереңдетуде парламентаралық байланыстың маңызы зор екенін айтты. Осыған орай, тараптар заңнамалық, әсіресе, реформалар мен инновациялық дамуды құқықтық қамтамасыз ету бағытында тәжірибе алмасуға келісті. Кездесу барысында Н. Нығматулин Ли Чжаньшу бастаған делегация сапары елдеріміздің көпжақты әріптестігі мен тату көршілікті нығайтуға ерекше ықпал ететініне сенім білдірді.

inbusiness.kz-ті қараңыз, оқыңыз :

Биыл Қазақстан мен АҚШ-тың дипломатиялық қатынасына 28 жыл толады

Мәжіліс төрағасы АҚШ елшісімен кездесті.

15 Сәуір 2019 14:43 300

Биыл Қазақстан мен АҚШ-тың дипломатиялық қатынасына 28 жыл толады

Мәжіліс төрағасы Нұрлан Нығматулин Американың Қазақстандағы елшісі Уильям Мозерді қабылдады, деп хабарлайды мәжілісі аппаратының баспасөз қызметі.  

Нұрлан Нығматулиннің пікірінше, АҚШ елімен жан-жақты әрі өзара тиімді қатынасты нығайту біздің еліміздің сыртқы саясатының маңызды бағыттарының бірі. Биыл қос мемлекет арасында дипломатиялық қатынастың орнағанына 28 жыл толады. Осы уақыттар ішінде, сенімді саяси диалог орнап, екіжақты байланыс кеңейтілген стратегиялық әріптестік деңгейіне жетті.

Сауда-экономикалық саланы сөз еткенде, Нұрлан Нығматулин екіжақты тауар айналымы  2018 жылы 2,25 млрд долларға жеткенін,  өткен жылмен салыстырғанда 37 пайызға өскенін алға тартты.

Мәжілісте АҚШ-пен ынтымақтастық жөніндегі топ жұмыс істейді. Америкада құрылған «Қазақстан достары тобымен де» белсенді әріптестік бар.

Тараптар бірлескен сындарлы жұмыс – парламентаралық байланыстарды, сонымен бірге, екіжақты қатынастарды нығайтуға кең жол ашатынына сенімді.

Нұрлан Нығматулин Жамбыл облысына жұмыс сапарымен барды

Палата спикері «Қазфосфат» зауытында болып, кәсіпорынның жұмысымен танысты. 

31 Қаңтар 2019 13:13 357

Нұрлан Нығматулин Жамбыл облысына жұмыс сапарымен барды

Бүгін мәжіліс төрағасы Нұрлан Нығматулин Жамбыл облысына жұмыс сапарымен барды, деп хабарлайды мәжілістің баспасөз қызметі.

Онда кәсіпорындардағы еңбек ұжымдары мен тұрғылықты халықпен кездесті. Іс-шарада палата төрағасы депутаттардың заң шығарушылық жұмысы туралы, соның ішінде, мемлекет басшысының бастамасымен қабылданған заңдар туралы әңгімеледі.

Палата спикері «Қазфосфат» зауытында болып, кәсіпорынның жұмысымен танысты. Қазақстандағы химия өнеркәсібі жағынан алғашқы қатарда тұрған кәсіпорынға биыл 20 жыл толады.

Осы уақыт ішінде «Қазфосфат» тек елімізде ғана емес, басқа шет мемлекеттерге де фосфор өнімдерін шығарды. Сонымен бірге, ТМД,  Қытай, Шығыс және Батыс Еуропа елдеріне жол тауып, әлемдік деңгейдегі ірі  өндіріс орнына айналды. Қазіргі уақытта  еліміз бойынша 7 филиал ашылып, ол 6 мыңнан астам азаматты жұмыспен қамтамасыз етіп отыр.

«Мемлекетіміздің өңдеу өнеркәсібі 9,5 трлн теңгеге дейін артып, отандық өнімдеріміз әлемнің 110 елінде сатылып келеді. Мемлекетімізде жүргізілген ірі реформалардың арқасында  қазақстандықтардың тұрақты   табыс табуына кең жол ашылды», – деді Нұрлан Нығматулин.   

Сонымен қатар, палата спикері еліміздегі әлеуметтік жағдайға тоқталып, Тәуелсіздің алған жылдардан бастап еліміздегі жалақы көлемі 4 есеге дейін өскенін, бір миллионнан астам қазақстандықтар тұрғын үймен қамтамасыз етілгенін, алдағы бес жылда президентіміздің әлеуметтік бағдарламасы аясында 70 миллион шаршы метрден астам тұрғын үй салу   жоспарланғанын, ол 2 миллионнан астам адамға  баспаналы болуға мүмкіндік  беретінін айтты.

Жаңалықтарға жазылу: