"Үкіметке болашақта, ұлттық қорсыз тек борыштары ғана қалуы мүмкін екенін түсінетін уақыт келді. Сондықтан бүгін Ұлттық қор туралы ойламау, ол елдің болашағы туралы ойламаумен бірдей", - деп ескертті Сенат және Мәжіліс депутаттарының бірлескен отырысында депутат.
Оның айтуынша, 2020 жылы COVID-19 індетіне қарсы күреске 6,9 трлн теңге, оның ішінде республикалық бюджеттен 3,5 трлн теңге бөлінген.
"Бұл сомалар қалай игерілді? Есеп комитетінің деректері бойынша оларды игеру кезінде көптеген заңбұзушылыққа жол берілген", - дейді ол.
Мәжілісменнің айтуынша, бюджет қаражатын тиімсіз пайдалану практикасы жалғасып келеді. 2020 жылы бұл көрсеткіш 569 млрд теңгені құраған. Яғни 2019 жылға қарағанда 33%-ға артық.
"Таң қалатыным, оның 10%-ы, яғни 56 млрд теңгесі квазимемлекеттік секторға қатысты болып отыр. Бір қарағанда, олай болуы мүмкін емес болып көрінеді, өйткені олар бюджеттік ұйымдар емес, кәсіпкерлік субъектілері ғой", - деп таңданады депутат.
Аян Бекенұлы
