Медеу-Шымбұлақ жолының қозғалысы шектеледі

304

Ол бағытта жөндеу жұмыстары жүргізіледі.

Медеу-Шымбұлақ жолының қозғалысы шектеледі Фото: t.me/AlmatyJoly

Алматыда "Медеу-Шымбұлақ" жолының қозғалысы шектеледі, деп хабарлайды inbusiness.kz Алматы әкімдігіне сілтеме жасап.

"Биыл 25 қазанынан бастап "Медеу-Шымбұлақ" жолындағы тас құлауының салдарын жою жұмыстары басталды. Жұмыс жүргізу кезінде автокөліктердің қозғалысы мен жаяу жүргіншілердің қозғалысы шектелді", делінген хабарламада.

Жоба шеңберінде аумақтарды тас құлауынан және көшкіннен инженерлік қорғау, жартасты және жол беткейлерін нығайту, беткейлерден топырақ пен тастарды түсіру және жинақтаушы тосқауылдарды тазарту жұмыстары жоспарланған. Жұмысқа шамамен 11 бірлік техника мен 50 адам тартылатыны айтылды.

"Сонымен қатар, тау шаңғысы курорты мен кәсіпорындарының қызметкерлері үшін өткізу режимінің кестесі қалыптастырылады. Қозғалыс туралы ақпарат әр ұйымның басшылығында қол жетімді болады.

Жобаны іске асыру екі кезеңге есептелген. Негізгі жұмыстар келесі жылға жоспарланған", делінген әкімдік хабарламасында.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу