/img/tv1.svg
RU KZ
Медицина мамандарының құрметіне көрме ұйымдастырылды

Медицина мамандарының құрметіне көрме ұйымдастырылды

Науқанға 100-ден аса дәрігер қатысты. 

20 Қыркүйек 2020 13:38 181

Медицина мамандарының құрметіне көрме ұйымдастырылды

Алматы қаласының әкімдігі қала күнін мерекелеу аясында пандемия кезінде коронавируспен күресте алдыңғы қатарда болған дәрігерлердің еңбегі мен ерлігіне деген алғыс пен құрмет белгісі ретінде «Алматы ынтымақтастығы» көрмесін ұйымдастырды. Алматылықтар метро станциялары мен LED-экрандардағы билбордтардан ақ халатты батырларды көре алады.

Фотосессияға №29 Қалалық емхана, Алматы қалалық Жедел Медициналық жәрдем қызметінің, № 1 Қалалық клиникалық аурухананың, ШЖҚ «Орталық қалалық клиникалық аурухана» МКК, №17 Қалалық емханасының, И.С. Жакенова атындағы қалалық клиникалық жұқпалы аурулар ауруханасының және Қалалық Балалар Жұқпалы Аурулар ауруханасының 100-ден астам медицина қызметкерлері қатысты.

«Өзімнен және өз әріптестерімнен фотосессияға шақырғаны үшін үлкен алғысымды білдіргім келеді. Наурыз айынан бері көрмеген көптеген әріптестерімізді көрдік. Тәжірибе алмасып, бір туғандай әңгімелесе алдық. Көңіл-күйді көтеріп, есіктердің арғы жағында не болып жатқанын ұмытатын осындай іс-шаралар көбірек болса екен», — деп бөлісті «МҚКК» ШЖҚ МКК бас медбикесі 
Гүлмира Абдуллаева.

Көрмеде қиын уақытта азаматтардың денсаулығы үшін күрескендердің бір бөлігі ғана ұсынылған.

Еске сала кетейік, ҚР Президенті Қасым-Жомарт Тоқаев өз Жолдауында дәрігердің еңбегін бағалауға шақырды. Ол сондай-ақ үлкен жұмыс жасаған кіші медицина қызметкерлерінің еңбек майданын атап өтті.

SEMA 2020 пандемия үшін өтпейді

Америкалық автофестиваль онлайн-форматта өтуі мүмкін.

07 Тамыз 2020 10:44 191

Авто-шоу өткізетін ұйымдастырушыларға биылғы жыл катастрофа болды: Бейжің, Женева, Нью-Йорк, Мәскеу, Пеббл-Бич және басқа көптеген көрмелер өтпей қалды. 

Мотор-шоулардың кейбірі 2021 жылдың аяғына шегерілген. Автосүйер қауымның үміті - SEMA 2020 тюнинг-шоуын көру еді. Қарашаға белгіленген авто көрме де өтпейтіні туралы кеше хабарланды.

SEMA - америкалық көліктердің дәстүрлі тюнинг фестивалі.

Сатылып кеткен билеттер құны мен депозиттер апта соңына дейін қайтарылады. Ұйымдастырушылар SEMA 2020-ны онлайн-форматта өткізу мүмкіндігін қарастырып жатыр.

Олжас Оқас

«DUBAI EXPO-2020» көрмесі 2021 жылға шегерілді

Оған қатысушылардың өтініші себеп болып отыр. 

31 Наурыз 2020 17:08 303

«Дубай EXPO-2020» көрмесі биыл өткізілмейтін болды. Халықаралық көрмелер бюросы оны 2021 жылға жылжытуға ұйғарған, деп хабарлайды Atameken Business.

Оған қатысушылардың өтініші себеп болып отыр. Қазір СOVID-19 бен мұнай бағасының құлдырауы көп мемлекеттің экономикалық ахуалын қиындатып жатыр. Қазақстан да осы қатарда. Әйтпесе, бұған дейін Сауда және интеграция министрлігі экспозиция бюджетін 9 млрд теңге деп есептеген. Бұл қаржы енді қысқартылуға тиіс. Толығырақ телеарна тілшісі Құралай Пионер баяндайды: