Денсаулық сақтау министрі Елжан Біртанов міндетті әлеуметтік медициналық сақтандыру жүйесінің жай-жапсары туралы түсінік берді, деп хабарлайды 24.kz.
Алматыдағы Санжар Асфендияров атындағы Қазақ Ұлттық медицина университетінде өткен конференцияда еліміздің Денсаулық сақтау министрі Елжан Біртанов міндетті әлеуметтік медициналық сақтандыру жүйесінің жай-жапсары туралы егжей-тегжейлі түсінік берді
Денсаулық сақтау министрлігінің мәліметіне сәйкес, міндетті әлеуметтік медициналық сақтандыру қорына 7 млн адам қаржы салуы тиіс. Ал 10 млн адамның сақтандыруын мемлекет өз мойнына алады. Яғни бұл санатқа жататындар 100-ден астам медициналық көмекті тегін ала алады. Сондай-ақ экономикалық тиімділігі де зор дейді мамандар.
Бірқатар күрделі операция мен тісті емдеу медициналық сақтандыру арқылы сауықтыру санатына жатпайды. Ал қорға жиналатын қаржының сақталуы Ұлттық банкке жүктеледі деді министр.
