Ресей Қауіпсіздік Кеңесі төрағасының орынбасары Дмитрий Медведев тағы да батысқа қатысты дөрекі сөздерімен көзге түсті. Бұл жолы Путинді тұтқындауға ордер берген Гаагадағы Халықаралық қылмыстық соттың судьялары сөз болды. Медеведев оларды ресейлік "Оникс" зымыранымен қорқытты.
"ХҚС судьялары өздеріне қатты сенімді секілді. Қараңдар, ең үлкен ядролық державаға қол көтеруден қорықпадық - біз ержүрекпіз дегендей. Өкінішке орай, мырзалар, бәрі Құдай мен зымырандардың астында жүреді. Гаагадағы сот ғимаратына қарай Солтүстік теңізден ресейлік кемеден "Ониксті" ұшыру әбден мүмкін. Өкінішке орай, оны құлатуға шамалары жетпейді. Сот - бұл НАТО елінің халқы емес, бар болғаны халықаралық ұйым. Сондықтан бізге соғыс ашады деп ойламаймын. Бәз баяғы қорқақтығына басады, ал бірақ істегеніне ешкім өкінбейді", - деп жазды Ресей Федерациясы Қауіпсіздік Кеңесі төрағасының орынбасары Дмитрий Медведев.
Гаагадағы Халықаралық сот Путинді тұтқындауға ордер бергенін еске саламыз.
40 елдің әділет министрлері халықаралық қылмыстық сотты қолдауды талқылайды.
