Украинаның қауіпсіздік қызметі Ресейдің бұрынғы президенті, Ресей Қауіпсіздік Кеңесі төрағасының орынбасары Дмитрий Медведевті және Ресей СІМ өкілі Мария Захарованы іздестіруде, деп хабарлайды inbusiness.kz Настоящее время-ға сілтеме жасай отырып.
Медведев пен Захароваға Украина Қылмыстық кодексінің 110-бабының 2-бөлігі бойынша айып тағылды ("елдің аумақтық тұтастығына қол сұғушылық жасады").
Ресей Федерациясының Тергеу комитетінің басшысы Александр Бастрыкин Дмитрий Медведевті "УҚҚ-ның заңсыз қылмыстық қудалауына байланысты" қылмыстық іс қозғауды тапсырды.
Кейінірек Sota Украина іздеуге берген адамдардың тізіміне 700-ге жуық есімнің енгеніне назар аударды.
Олардың қатарында Ресей Федерациясының Мемлекеттік Думасының депутаттары, сенаторлар, Қауіпсіздік Кеңесінің мүшелері және Ресей үкіметі өкілдері бар.
Олардың ішінде Ресей ФСБ директоры Александр Бортников, Мемлекеттік Думаның төрағасы Вячеслав Володин, Росгвардия басшысы Виктор Золотов, Ішкі істер министрі Владимир Колокольцев, Федерация Кеңесінің Төрағасы Валентина Матвиенко, Сыртқы барлау қызметінің директоры Сергей Нарышкин, РФ Қорғаныс министрі Сергей Шойгу мен РФ Қауіпсіздік Кеңесінің Хатшысы Николай Патрушев бар.
