Мексика валютасы песоның америкалық долларға шаққандағы бағамы тағы құлдырады, деп жазады 24Хабар.
Оған АҚШ-тың жаңа сайланған президенті Дональд Трамптың ұстанған саясаты себеп болып отыр. Бұл жолы песо 2%-ға құнсызданып, 1 АҚШ доллары 21 песо 85 тиынға жетті. Жалпы көрші елдің валютасының әлсіреуі 1 қаңтардан басталған. Оған Трамптың америкалық автоконцерндерге шетелде жасаған көліктер үшін баж салығын көтеретіні жөніндегі ескертуі әсер еткен еді. Ал Ұлттық банк бағамды ұстап тұру үшін жаңа жылдың алғашқы аптасында 2 миллиард доллар жұмсаған. Мамандар Дональд Трампты ұлықтау рәсімі таяған сайын песоның валюталық нарықтағы бағамы байлаудан кетіп барады деп отыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
